Manjati kinez i biznesit, Jack Ma ka deklaruar se teknologjia në zhvillim ka të ngjarë të jetë një kërcënim në të ardhmen dhe të shkaktoj Luftën e Tretë Botërore.

Në një intervistë për CNBC, udhëheqësi miliarder i ‘Alibaba’ tha se udhëheqësit e botës kanë për detyrë të edukojnë njerëzit për të parandaluar dhimbjet e shkaktuara nga rritja e shpejtë e automatizmit dhe inteligjencës financiare.

“Revolucioni i parë në teknologji ka shkaktuar Luftën e Parë Botërore. Revolucioni i dytë teknologjik ka shkaktuar Luftën e Dytë Botërore. Tash është në radhë teknologjia e tretë që është Inteligjenca Artificiale”, ka thënë Ma, transmeton arbresh.info.

Ai beson se progresi në Inteligjencën Artificiale ka edhe të mira pasi i lejon njerëzit që të udhëtojnë më shumë dhe të kalojnë më pak kohë në punë.

“Mendoj se në 30 vitet e ardhshme, njerëzit do të punojnë vetëm pesë orë në ditë dhe ndoshta 4 ditë në javë. Gjyshi im ka punuar 16 orë në ditë në fermë dhe ka menduar se është shumë i zënë. Ne punojmë 8 orë në ditë për 5 ditë në javë dhe mendojmë se jemi shumë të zënë”, është shprehur manjati kinez.

Pavarësisht kësaj, ai ka shtuar se nuk i pëlqen ideja e krijimit të makinave “njeri”.

“Ne duhet të sigurohemi që makineritë të bëjnë gjëra që njerëzit nuk munden”, ka përfunduar ai.

Kjo nuk është hera e parë që Ma shpreh shqetësimin për një Luftë të Tretë Botërore të shkaktuar nga teknologjia./Arbresh.info.